Њујорк. 10 април 2025 – Цените на суровата нафта забележаа пад од над 4% денес, откако високите царини наметнати од претседателот Доналд Трамп кон Кина го засенија неговото 90-дневно одложување на повисоките стапки за повеќето други земји, објави CNBC.
Американската сурова нафта WTI падна за 2,66 долари, или 4,27%, достигнувајќи 56,69 долари за барел, додека Брент изгуби 2,64 долари, односно 4,03%, и се тргуваше по 62,84 долари за барел. 
Ден претходно, цените на нафтата пораснаа откако претседателот Трамп објави пауза во воведувањето на најновите царински стапки за повеќето трговски партнери на САД, изјавувајќи дека е отворен за преговори со земјите кои нема да одговорат со реципрочни мерки. Во врска со ова, WTI забележа скок од 13% од најниската дневна вредност, затворајќи на 62,35 долари за барел во средата на 09 април 2025 година.
Сепак, одлуката на Трамп да ги зголеми царините кон Кина, втората по големина економија во светот и најголем увозник на сурова нафта, на неверојатни 125%, повторно имаше негативен ефект врз пазарите.
Пазарите остануваат под притисок додека трговците ги следат последиците од ескалацијата на трговската војна меѓу двете суперсили, што може дополнително да влијае врз глобалната побарувачка на енергенси.
Извор: CNBC
