Скопје. 15 април 2025 – Националниот оператор на пазарот на електрична енергија (МЕМО) во текот на изминатата недела го објави месечниот извештај за тргувањето во март 2025 година. Просечната цена на електричната енергија изнесуваше 104,21 €/MWh, со вкупен тргуван обем од 97.069,6 MWh.
Според податоците објавени од страна на МЕМО, базната цена (01–24 часа) изнесуваше 104,21 €/MWh. Во пиковите часови (09–20 часа), цената падна на 90,38 €/MWh, додека во периодите со помала побарувачка (01–08 и 21–24 часа) достигна 118,09 €/MWh. Највисоката цена од 132,92 €/MWh беше забележана во вечерните часови (21–24 часа). 
Месецот донесе значителни ценовни варијации: минималната цена изнесуваше само 0,1 €/MWh, а максималната достигна 256,66 €/MWh. Најголемиот обем на тргување во еден час беше 344,9 MWh, а најмалиот 24,2 MWh.
Овие податоци доаѓаат во пресрет на подготовките на МЕМО за интеграција со европскиот пазар до крајот на 2025 година. Во фокусот се воведувањето на тргување со еврото и издавањето гаранции за потекло на електричната енергија, што ќе ја зајакне позицијата на пазарот.
Извор: МЕМО
