Продажбата на „Тесла“ во Европа преполовена за две години

Продажбата на електричните возила на Тесла бележи драматичен пад на неколку клучни европски пазари во јануари 2026 година, покажуваат најновите податоци за 13 земји. Во споредба со јануари 2024 година, вкупната продажба е намалена за околу 49,5%, што претставува сериозен удар за компанијата која претходно најавуваше просечен годишен раст од 50% во текот на деценијата.

Најголем пад е регистриран во Норвешка, каде испораките се намалени за 93% во однос на јануари 2024 година. Следуваат Холандија со пад од 81%, Швајцарија со 79% и Германија со 59%. Во Обединето Кралство продажбата е намалена за 55%, додека во Шпанија падот изнесува 58%.

Негативниот тренд е видлив и во Данска (–44%), Португалија (–31%) и Шведска (–32% во однос на 2024 година).

Сепак, не сите пазари бележат пад. Во Италија продажбата е зголемена за 82% во однос на 2024 година, додека раст е забележан и во Австрија (+85%), Финска (+33%) и Ирска (+117%).

Во споредба со јануари 2025 година, продажбата на „Тесла“ во 12 од анализираните пазари е намалена за 23%. Пошироката слика покажува дека компанијата се соочува со значителен притисок во Европа, додека истовремено се бележи пад и на други големи пазари како САД и Кина.

Останува неизвесно дали негативниот тренд ќе продолжи до крајот на годината или компанијата ќе успее да го стабилизира европскиот пазар во услови на засилена конкуренција и променлива побарувачка.

Продажба на Tesla – Јануари (по земји и години)

Извор: Cleantechnica.com