Белград. 06 јуни 2025 – Српската енергетска инфраструктура добива нов замав. Во наредните три години, Србија планира изградба на два нови гасоводи, со кои ќе се поврзе со Македонија и Романија, најави вршителот на должност помошник-министер за нафта и гас, Саша Коковиќ, на меѓународната конференција „Енергетска недела“ во Баку, Азербејџан.
Гасната интерконекција со Македонија, која треба да се реализира со поддршка од Европската Унија, ќе овозможи поврзување на Србија со Транс-анадолискиот гасовод (TAP), а преку него и пристап до Јужниот гасен коридор и ЛНГ терминалот во Грција. Во исто време, поврзувањето со Романија ќе ја вклучи Србија во BRUA-гасоводот и ќе овозможи пристап до гасни извори од соседната земја.
„Развиената енергетска инфраструктура е предуслов за безбедно снабдување со природен гас. За Србија, тоа е прашање од стратешка важност“, изјави Коковиќ. 
Тој потсети дека кон крајот на 2023 година била завршена изградбата на интерконекцијата со Бугарија, што овозможило и први испораки на гас од Азербејџан, како дел од Јужниот гасен коридор – еден од најголемите енергетски проекти во светот во последната деценија.
Коковиќ посочи и на важноста на складишните капацитети, наведувајќи дека се работи на проширување на подземното складиште за гас во Банатски Двор, кое треба да биде завршено до крајот на 2026 година. Овој чекор ќе го засили капацитетот на земјата за справување со евентуални енергетски кризи.
Покрај природниот гас, Србија работи и на диверзификација на снабдувањето со сурова нафта. Според Коковиќ, до крајот на 2027 година се планира поврзување со нафтоводната мрежа на Унгарија, што ќе биде дополнување на постојниот ЈАНАФ нафтовод и ќе ја зголеми енергетската сигурност на земјата.
Извор: Danas.rs
