Хјустон. 02 Jуни 2025 — Американскиот извоз на течен природен гас (LNG) забележа пад во мај, откако неколку постројки, вклучително и најголемата во земјата, беа погодени од рутинско одржување и технички прекини, покажуваат податоци од LSEG.
САД, како најголем извозник на LNG во светот, имаат клучно влијание врз глобалните цени на енергијата. Во мај биле извезени 8,9 милиони метрички тони LNG — за 4,3% помалку во однос на рекордните 9,3 милиони тони претходниот месец.
Пад на производството поради одржување
Сите LNG постројки во САД во мај регистрирале периоди на намалена продукција. Компанијата Cheniere Energy потврди дека нејзината Sabine Pass постројка во Тексас, најголемата во државата, со капацитет од 30 милиони тони годишно, била подложена на рутинско одржување. 
Протокот на гас кон таа постројка се намалил на околу 3,1 милијарди кубни метри дневно од 31 мај, што е најниско ниво во речиси две години. За споредба, просекот за претходната недела изнесуваше 4,3 милијарди. Прекини беа регистрирани и кај Freeport LNG, трет најголем американски производител.
Европа – стабилен пазар, Азија со ограничена побарувачка
И покрај падот во извозот, Европа и натаму останува главна дестинација. Според податоците, 68% од извозот во мај (6,05 милиони тони) биле насочени кон европските земји, исто како и во април. Повисоките цени на гасот на европскиот пазар, каде што во мај достигнаа 11,68 долари по милион британски термални единици (mmBtu), беа поттик за зголемена побарувачка.
Извозот кон Азија остана релативно низок со само 1,88 милиони тони или 21% од вкупниот извоз. Кина, како најголем светски корисник на LNG, и понатаму ја намалува директната набавка од САД поради продолжениот трговски спор, а дел од набавениот гас го реекспортира за да избегне дополнителни царини.
На азискиот пазар, цените се намалија на 11,83 долари по mmBtu во мај, во споредба со 12,23 долари во април.
Латинска Америка и Блискиот Исток со скромни количини
Латинска Америка купила 0,66 милиони тони LNG од САД во мај, што е благо намалување во споредба со 0,68 милиони тони во април. Египет купил три пратки (вкупно 0,22 милиони тони), а Бахреин една (0,07 милиони тони).
Извор: Ројтерс
