Загреб. 6 септември 2025 – Хрватските граѓани наесен ќе се соочат со нов удар врз семејниот буџет. Владата најави крај на дел од субвенциите за струја и гас, што значи значително зголемување на месечните сметки.
Петта година по ред Владата ги амортизираше цените на енергенсите преку директни субвенции, но премиерот Андреј Пленковиќ најави дека овој модел завршува. Засега не е познато кои мерки ќе останат и кого ќе опфатат, но проценките се дека најголем дел од домаќинствата ќе плаќаат повисоки сметки за струја, гас и парно греење.
Економскиот аналитичар Петар Вушковиќ предупредува дека растот на енергетските трошоци ќе го продолжи „маѓепсаниот круг“ на инфлацијата. „Завршува летниот пад на цените на храната, а со грејната сезона доаѓа нов притисок – енергенсите. Тоа е најголемиот товар за граѓаните“, вели тој.
Освен домашните фактори, цената на енергијата зависи и од глобалните ризици – блокади на транспортни правци, климатски промени што ја намалуваат производството на хидроелектраните и војната во Украина.
Се очекува Владата да задржи одредена помош за најранливите групи, како што беше енергетскиот додаток од 70 евра за социјално загрозените. Но останува отворено прашањето дали тоа ќе биде доволно за да се ублажи ударот врз најголемиот дел од граѓаните.
Извор: Dnevnik.hr
