Брисел. 13 јули 2025 – Европската унија на 11 јули годинава, објави јавен повик за изразување интерес за избор на до 10 пилот-проекти кои ќе го предводат развојот на Заедници за обновлива енергија во земјите од Западен Балкан, вклучително и Македонија. Повикот е дел од иницијативата „Подобра кохезија преку развој на енергетски заедници во Западен Балкан“, финансирана од Генералниот директорат за регионална и урбана политика на ЕУ.
Оваа иницијатива има за цел да поттикне праведна енергетска транзиција преку формирање и јакнење на локални заедници кои ќе користат обновливи извори на енергија. Проектот се спроведува во рамки на ЕУ Стратегијата за Јадранско-јонскиот регион и поддржува соработка меѓу ЕУ и партнерите од Западен Балкан: Албанија, Босна и Херцеговина, Црна Гора, Македонија и Србија. За секоја земја ќе можат да бидат избрани најмногу два проекта.
Избраните „мајачни проекти“ ќе добијат:
- Прилагодена техничка помош и менторска поддршка
- Поддршка при финансиско планирање и управување со заедницата
- Пристап до алатка за управување со енергија
- Можности за вмрежување и размена на искуства во рамки на Јадранско-јонскиот регион
- Финансиска поддршка до 200.000 евра, во зависност од големината и зрелоста на проектот
Проектите ќе се реализираат во две фази:
- Фаза 1: За иницијативи кои се во почетна фаза – од мобилизација на засегнатите страни до правно формирање на заедницата
- Фаза 2: За постоечки енергетски заедници подготвени за проширување и техничка надградба преку лесна инфраструктурна инвестиција (како инсталација на фотоволтаични системи и паметни броила)
Право на учество имаат општини, граѓански организации, неформални групи и постоечки енергетски заедници. Повикот е дизајниран со инклузивен пристап, овозможувајќи учество на апликанти со различен степен на подготвеност. Дводелниот селекциски процес гарантира поширока застапеност и географска рамнотежа.
Иницијативата претставува силна потврда на посветеноста на ЕУ за поддршка на одржливи, заеднички енергетски решенија и намалување на енергетската сиромаштија во регионот.
Апликантите можат да се пријават преку официјалната платформа на иницијативата.
Извор: Европска комисија
