Атина. 24 март 2024 – Терминалот Ревитуса кај Атина забележува значителен пораст на испораките на течен природен гас (LNG), што укажува на промена на претходните трендови на грчкиот енергетски пазар, кога учесниците на пазарот ги откажуваа испораките на LNG во корист на рускиот цевководен гас.
Според податоците на операторот на гасната мрежа DESFA, во првите два месеци од годината, испораките на LNG изнесуваа 7,5 TWh, што е 63% повеќе во споредба со 4,6 TWh за истиот период минатата година. Значајно е што 83% од овие испораки потекнуваат од САД. 
Земајќи ги предвид закажаните испораки за март, вкупниот обем на LNG во Ревитуса во првиот квартал ќе достигне 11 TWh, наспроти 6,6 TWh минатата година – пораст од речиси 70%. Повторно, американскиот LNG доминира, со удел од над 80% од вкупните испораки.
Во јануари, американскиот LNG сочинуваше 56,2% од вкупниот увоз на гас во Грција, додека рускиот гас имаше удел од 35%. Очекува се февруарските податоци, кои сè уште не се објавени, да покажат сличен тренд, наведува DESFA.
За споредба, во јануари 2023 година, американскиот LNG учествуваше со 52% во увозот на гас, додека рускиот со 32%.
Извор: EnergyPress
