Продажбата на целосно електрични автомобили (BEV) во Европа продолжува да расте, при што во првата половина од 2026 година за првпат е надмината границата од еден милион продадени возила.
Според податоците на E-Mobility Europe, New Automotive и Fier Automotive, во првите шест месеци од годинава во Европа се регистрирани 1,24 милиони целосно електрични автомобили, што претставува раст од 33,7% во споредба со истиот период лани.
Само во јуни во 17 европски пазари се регистрирани 275.060 нови електрични возила, што е 39,5% повеќе отколку во јуни 2025 година. Со тоа, целосно електричните автомобили достигнале 25,6% пазарен удел, односно повеќе од секој четврти новорегистриран автомобил бил на електричен погон.
Според анализата, растот на побарувачката е поттикнат од државните субвенции, мерките за поддршка на електромобилноста и повисоките цени на бензинот и дизелот, кои ги прават електричните возила поконкурентни.
Овие резултати укажуваат на забрзување на транзицијата кон електрична мобилност во Европа, во услови кога европските земји продолжуваат да ги заоструваат политиките за намалување на емисиите од транспортот и да ја прошируваат инфраструктурата за полнење на електрични возила.
Извор: Ројтерс
