Љубљана. 01 мај 2025 – Словенија започна нова програма за финансиска поддршка на еколошкиот транспорт, со цел намалување на емисијата на јаглерод диоксид и зголемување на енергетската ефикасност. Фондот за поддршка на зелена енергија и мобилност – Борзен, објави јавен повик за доделување на неповратни финансиски средства за транспортни компании кои користат камиони и автобуси на биометан, водород или електричен погон.
Средствата во висина од 3,5 милиони евра се наменети за надградба на теретни возила со аеродинамични делови, со што се намалува отпорот на воздухот и се подобрува ефикасноста. За набавка или пренамена на возила на синтетички гас, биометан, водород и електрична енергија, издвоени се 90.300 евра.
Право на учество имаат правни лица, занаетчии, јавни служби и други регистрирани превозници во Словенија со важечки дозволи за транспорт на патници или стока. Секој апликант може да добие до 15.000 евра по возило, за максимум 20 возила набавени или пренаменети во периодот од 12 март до 30 октомври 2025 година. 
За надградба на постоечките камиони со аеродинамични делови, се предвидени субвенции до 4.000 евра по возило, односно до 80 проценти од вкупната вредност. Секоја заинтересирана страна може да аплицира за најмногу 15 возила, надградени во периодот од 7 мај 2024 до 30 октомври 2025 година.
Извор: Borzen
