САД и Кина најголеми потрошувачи на нафта во светот

септември 3, 2025

Во 2024 година, најголемите светски економии продолжија да доминираат со глобалната потрошувачка на нафта, покажуваат податоци на Energy Institute. Според рангирањето, првите десет земји користат 61% од светската потрошувачка, а топ 20 дури 80%.

На прво место се наоѓаат САД со 19 милиони барели дневно, што претставува 18,7% од глобалната потрошувачка. Нафтата таму најмногу се користи во транспортот (70%), индустријата (24%), а помал дел во домаќинствата и трговијата.

Веднаш зад САД е Кина со 16,4 милиони барели дневно или 16,1% од светскиот удел. Иако потрошувачката по жител е значително пониска од американската, Кина ја надополнува енергетската побарувачка преку голема зависност од јаглен.

Индија е трета со 5,6 милиони барели дневно (5,5%). Таа е земјата со најбрз раст на побарувачката за нафта во последната деценија, со просечно годишно зголемување од 3,8%. Според прогнозите, Индија ќе остане главен двигател на глобалниот раст на потрошувачката на нафта до 2030 година.

Меѓу првите десет се и Саудиска Арабија, Русија, Јапонија, Јужна Кореја, Бразил, Канада и Германија.

И покрај постепеното успорување на растот и зголемувањето на уделот на обновливите извори, нафтата и во 2024 година останува водечки енергетски ресурс на глобално ниво.

Топ 25 земји според потрошувачка на нафта во 2024 година

Ранг	Држава	Милиони барели дневно	Удел во светската потрошувачка
1	САД	19.0	18.7%
2	Кина	16.4	16.1%
3	Индија	5.6	5.5%
4	Саудиска Арабија	4.0	3.9%
5	Русија	3.8	3.8%
6	Јапонија	3.2	3.2%
7	Јужна Кореја	2.9	2.9%
8	Бразил	2.6	2.5%
9	Канада	2.3	2.3%
10	Германија	2.1	2.0%
11	Иран	2.0	1.9%
12	Мексико	1.9	1.8%
13	Индонезија	1.6	1.6%
14	Сингапур	1.5	1.5%
15	Франција	1.4	1.3%
16	Велика Британија	1.3	1.3%
17	Шпанија	1.3	1.3%
18	Италија	1.3	1.2%
19	Тајланд	1.3	1.2%
20	Обединети Арапски Емирати	1.2	1.2%
21	Турција	1.2	1.1%
22	Австралија	1.1	1.1%
23	Малезија	0.9	0.9%
24	Ирак	0.9	0.9%
25	Tајван	0.8	0.8%