Скопје. 02 јуни 2025 – Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе одлука за намалување на малопродажните цени на нафтените деривати, во просек за 0,33% во однос на одлуката од 26 мај 2025 година. Новите цени стапуваат на сила од 3 јуни 2025 година, од 00:01 часот.
Намалувањето на цените е резултат на падот на референтните цени на светскиот пазар, каде бензините бележат намалување од 1,224%, дизелот од 0,761%, екстра лесното масло од 0,484%, додека мазутот бележи зголемување од 2,274%. Курсот на денарот во однос на доларот е понизок за 0,4567% во споредба со претходната пресметка.
Новите максимални малопродажни цени на нафтените деривати од 3 јуни 2025 година се: 
- ЕУРОСУПЕР БС-95: 74,50 денари/литар
- ЕУРОСУПЕР БС-98: 76,50 денари/литар
- ЕУРОДИЗЕЛ БС (Д-Е V): 65,00 денари/литар
- Екстра лесно масло (ЕЛ-1): 67,50 денари/литар
- Мазут М-1 НС: 37,862 денари/килограм
Во однос на претходните цени:
- Цените на ЕУРОСУПЕР БС-95, ЕУРОСУПЕР БС-98, ЕУРОДИЗЕЛ (Д-Е V) и екстра лесно масло (ЕЛ-1) се намалуваат за 0,50 денари по литар.
- Цената на мазут М-1 НС се зголемува за 0,429 денари по килограм.
РКЕ нагласува дека овие цени се максимални, а трговците на големо и мало можат да понудат пониски цени за одделни нафтени деривати и горива за транспорт.
Извор: РКЕ
