Југоисточна Европа во следните пет до шест месеци ќе произведе околу 5 TWh помалку хидроенергија, што претставува 10% од просечното годишно производство од 53 TWh – проценува „Montel Analytics“.
Слабите врнежи и подпросечното производство во текот на пролетта и летото веќе доведоа до поскапа струја на регионалните берзи. Според аналитичарот Ејлерт Елепсен, за нормализирање на дотокот во акумулациите ќе биде потребно повеќе време, па до крајот на годината регионот ќе достигне најмногу 90% од просечното производство.
Податоците на „Montel Analytics“ покажуваат дека во наредните три недели хидропроизводството ќе остане за 1,1 GW под вообичаеното ниво. Иако акумулациите делумно закрепнаа во август, во Бугарија и Грција нивото минатата недела падна на најниско ниво во последните десет години, според европската мрежа на оператори „Entso-E“.
Регионалните трговци со електрична енергија предупредуваат дека „Хидроелектраните на Балканот мора внимателно да ги менаџираат резервите пред зимата,“ изјави еден регионален трговец. Тие предупредуваат дека сушата е најголем проблем во Бугарија, но компанијата „НЕК“ добро го регулира производството и се подготвува за можни ценовни шокови.
Покрај ова, учесници на пазарот потсетуваат дека Албанија, која 90% од својата електрична енергија ја обезбедува од хидроцентрали, се потпира на увоз поради ниските водостои, што може дополнително да ја зголеми цената на струјата и на останатите пазари.
Извор: Montelnews.com
