Атина. 7 октомври 2025 – Цените на електричната енергија во Атина забележаа значителен пад во септември, покажува месечниот извештај на Household Energy Price Index (HEPI), кој ги следи малопродажните цени на струја и природен гас во 33 европски градови.
За грчките домаќинства електричната енергија поевтини за 8% во однос на август, што е најголемо намалување во Европа. Според извештајот, падот се должи на ниските големопродажни цени во август, бидејќи повеќето варијабилни тарифи во Грција директно се врзани за цените на ден-однапред пазарот, што овозможува побрзо пренесување на поевтинувањата на малопродажниот сектор.
Просечната малопродажна цена во Атина изнесувала 25,43 центи за киловат-час, под просекот на ЕУ-27 од 27,47 центи. Атина е поевтина од главните градови како Берлин, Даблин, Лондон и Прага, но поскапа од Будимпешта, Белград и Киев. Најголеми зголемувања на цените се регистрирани во Вилнус (+3%), Љубљана (+2%), Лондон, Стокхолм и Талин (+2%), додека помали намалувања се забележани во Брисел (-3%), Берлин, Лисабон, Мадрид и Осло (-1%).
Сепак, при пресметка според паритетот на куповната моќ (PPP), трошокот за грчките домаќинства достигнува 24,7 единици, над европскиот просек од 22,6. Ова покажува дека и покрај пониските номинални цени, струјата и натаму претставува релативно поголемо оптоварување за грчките потрошувачи.
Истражувањето на HEPI бележи дека низ Европа продолжува преминот кон фиксирани тарифи, со повторно воведување долгорочни понуди од снабдувачите. Во Атина фиксираните планови се малку поскапи од варијабилните (околу 25–26 центи/кWh), што укажува на изедначување на предвидливоста и трошоците за домаќинствата.
И кај природниот гас, цените во Атина се под европскиот просек. Во септември просечната цена за грчките домаќинства изнесувала 7,87 центи/кWh, наспроти 10,65 центи/кWh во ЕУ-27 – разлика од минус 26%, што ја рангира Грција меѓу најдостапните пазари на природен гас во Унијата.
Сепак, според PPP, цената изнесува 9,7 единици за грчките домаќинства, нешто повисока од европскиот просек (11,3 единици), што ја позиционира земјата во средната категорија по релативен товар.
Падот на цените го одразува стабилизирањето на европскиот пазар на природен гас, со одржување на индексот TTF меѓу 31 и 34 евра/MWh и високо ниво на резерви (82%). Зголемената испорака на течен природен гас (LNG) од САД и намалената побарувачка од Азија создадоа поволни услови за потрошувачите пред почетокот на зимската сезона.
Извор: Ienergia.gr
