Скопје. 14 август 2025 – Во јули 2025 година, вкупната нето-потрошувачка на електрична енергија во државата изнесувала 460 GWh, а домашното производство достигнало 551 GWh, со што целосно (100%) биле задоволени потребите на пазарот без потреба од увоз, покажуваат податоците на Националниот оператор на пазар на електрична енергија – МЕМО ДООЕЛ Скопје.
Најголем производител останува ЕСМ со 214 GWh или 38,8% од вкупното домашно производство. Потоа следуваат:
- Независни производители – 192 GWh (34,9%)
- Виртуелни производители – 121 GWh (22,0%)
- Повластени производители (со тарифа) – 24 GWh (4,3%)
Овие податоци потврдуваат исклучително висок степен на енергетска независност во текот на јули, со значајно учество на независните и виртуелните производители, кои заедно обезбедија над половина од вкупната произведена електрична енергија.
Извор: МЕМО
