Скопје. 29 септември 2025 – Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе одлука за зголемување на малопродажните цени на нафтените деривати, во просек за 0,49% во однос на одлуката од 22 септември 2025 година. Новите цени стапуваат на сила од 30 септември 2025 година, од 00:01 часот.
Промените во цените се резултат на движењата на референтните цени на светскиот пазар, каде бензините бележат намалување од 0,678%, дизелот од 0,070%, додека екстра лесното масло бележи зголемување од 0,278%, а мазутот од 1,867%. Курсот на денарот во однос на доларот е повисок за 0,5170% во споредба со претходната пресметка.
Новите максимални малопродажни цени на нафтените деривати од 30 септември 2025 година се:
- ЕУРОСУПЕР БС-95: 75,50 денари/литар (без промена)
- ЕУРОСУПЕР БС-98: 77,50 денари/литар (без промена)
- ЕУРОДИЗЕЛ БС (Д-Е V): 69,50 денари/литар (без промена)
- Екстра лесно масло (ЕЛ-1): 69,50 денари/литар
- Мазут М-1 НС: 37,591 денари/килограм
Во однос на претходните цени:
- Цените на ЕУРОСУПЕР БС-95, ЕУРОСУПЕР БС-98 и ЕУРОДИЗЕЛ (Д-Е V) остануваат непроменети.
- Цената на екстра лесно масло (ЕЛ-1) се зголемува за 0,50 денари по литар.
- Цената на мазут М-1 НС се зголемува за 0,644 денари по килограм.
РКЕ нагласува дека овие цени се максимални, а трговците на големо и мало можат да понудат пониски цени за одделни нафтени деривати и горива за транспорт.
Извор: РКЕ
