Брисел. 13 август 2025 – Европската мрежа на оператори на преносни системи за електрична енергија (ENTSO-E) достави официјален одговор на консултацијата на Европската комисија за претстојниот Европски пакет за електромрежи, предупредувајќи дека без забрзани и координирани мерки Европа ризикува доцнење во развојот на клучната инфраструктура. Консултацијата, која започна во јуни, има за цел да собере мислења од засегнатите страни за подобрување на регулативата, инвестициите и прекуграничната соработка во изградбата на современи и одржливи електромрежи низ целата ЕУ.
ENTSO-E предлага четири приоритетни насоки за создавање климатски неутрална, безбедна и конкурентна електроенергетска мрежа:
- Попростено и усогласено планирање – синхронизација на националните енергетски и климатски планови, унапредување на сценаријата во Десетгодишниот план за развој на мрежата (TYNDP) и засилена прекугранична координација преку Регионални инвестициони планови. Се бара поефикасна процедура за проекти од заеднички и заемен интерес (PCI/PMI).
- Забрзани дозволи – повеќе од половина од приоритетните преносни проекти сè уште чекаат одобрение. ENTSO-E бара поедноставени еколошки процедури и строго дефинирани рокови за одлучување.
- Стабилно и достапно финансирање – се проценува дека до 2050 година ќе бидат потребни над 800 милијарди евра. Организацијата предлага стабилна регулаторна рамка, полесен пристап до фондови како Connecting Europe Facility for Energy (CEF-E) и доброволни механизми за споделување трошоци на паневропско ниво.
- Зајакнати синџири на снабдување – скратување на роковите за набавка на опрема, поддршка за стратешко производство во Европа и воспоставување „Академија за мрежи со нулта емисија“ за обука на стручни кадри.
„Овие мерки се неопходни за изградба на отпорна и интегрирана електромрежа која ќе ја поддржи електрификацијата и климатската неутралност на Европа,“ порачуваат од ENTSO-E.
Извор: Entso-E
