Париз. 9 септември 2025 – Француската енергетска компанија EDF и Европската инвестициска банка (ЕИБ) потпишаа договор вреден 500 милиони евра за финансирање на втората фаза од обновата на јавната електрична мрежа во Франција, вредна вкупно 1 милијарда евра.
Средствата ќе покријат околу 40% од инвестицијата за поврзување на 7 гигавати капацитет од обновливи извори и замена на повеќе од 2.500 километри подземни и дистрибутивни линии, соопшти подружницата на EDF, Enedis. Речиси 90% од произведената енергија од ветер и сонце во Франција е вклучена во дистрибутивната мрежа управувана од оваа компанија.
Европските електромрежи последниве години се под зголемено внимание поради растот на производството од обновливи извори и потребата за нивно зајакнување и заштита од климатските промени.
Во јуни, владите на ЕУ се согласија да го зголемат годишното кредитирање на ЕИБ на 100 милијарди евра и тројно да ги зголемат средствата за европската одбранбена индустрија.
Извор: Ројтерс
