Скопје. 24 март 2024 – Министерството за енергетика, рударство и минереални суровини на Република Северна Македонија, денес објави јавен оглас за финансиска поддршка на сметките за електрична енергија за ранливи потрошувачи – рокот за пријавување е 30 дена.
Министерството за енергетика, рударство и минерални суровини го објави Јавниот оглас за финансиска поддршка за потрошена електрична енергија во 2025 година. Оваа мерка е дел од Програмата за заштита на ранливи потрошувачи и има за цел да им помогне на граѓаните кои се соочуваат со економски тешкотии.
Кој има право на поддршка од 1.000 денари месечно? 
Финансиската помош е наменета за две групи граѓани и тоа:
- Домаќинства со деца со попреченост – доколку се корисници на посебен додаток според Законот за заштита на децата, а месечниот нето-доход во 2024 година не ги надминува следните износи:
- 42.000 денари – за домаќинства со два члена
- 60.000 денари – за домаќинства со три члена
- 80.000 денари – за домаќинства со четири или повеќе членови
- Згрижувачи на лица со посебни потреби – доколку добиваат надоместок за згрижување согласно Законот за социјална заштита, а нивниот месечен доход е под одреден праг (од 42.000 до 160.000 денари, во зависност од бројот на членови).
Каква е помошта и колку трае?
Поддршката изнесува 1.000 денари месечно, која ќе се одбива директно од сметката за струја. Помошта ќе се исплаќа 12 месеци или до исцрпување на буџетот.
Важно: Оваа мерка не важи за граѓани кои веќе добиваат паричен додаток за енергенси или финансиска поддршка како стари лица.
Како да аплицирате?
Рокот за пријавување е 30 дена од објавувањето на огласот. Потребно е да се поднесе пополнет образец (достапен на веб-страницата на Министерството) заедно со:
- Заверена изјава за точност на документите
- Фотокопија од решението за додаток или надоместок за згрижување
- Последна сметка за струја
- Лична карта на апликантот
- Доказ за членовите на домаќинството
Министерството ги потсетува сите кои ги исполнуваат условите да аплицираат навремено и да ја искористат можноста за олеснување на трошоците за електрична енергија.
За повеќе информации, консултирајте го официјалниот оглас или контактирајте ги соодветните институции.
Енергетика 24
